Yoga og sauna på Jølstraholmen

Den perfekte søndagen?

Senk skuldrene og nyt ei roleg stund på Jølstraholmen. Vel Yin yoga, saunaritual eller begge delar – yoga først, deretter sauna.

Datoar: 25. oktober, 1. november, 22. november og 13. desember.

Yin yoga
Ei roleg og meditativ yogastund med Eli Gro Bergby, som har lang erfaring som yogainstruktør. Gjennom sitjande og liggjande stillingar får du tid til å finne ro, puste og sleppe spenningar.

Ha på varme, behagelege klede og gjerne ullsokkar. Ta med yogamatte og eit pledd. Manglar du matte, gje oss beskjed, så ordnar vi det.

Saunaritual
Ei sanseleg, guida saunaoppleving med varme, damp, eteriske oljer og handkleteknikkar. Ritualet byggjer seg gradvis opp gjennom fleire rundar. Du kan òg ta eit friskt bad i elva om du ønskjer.

Møt ferdig skifta i badetøy. Ta med to handkle, drikkeflaske og neoprensokkar eller ullsokkar til kaldbading – gjerne også lue og vottar. Neoprensokkar kan kjøpast hos oss. Dusj er tilgjengeleg.

Vel dato og aktivitet i bestillinga. Tidspunkt og pris finn du under kvart alternativ.

Avgrensa plassar. Ope for alle – kvinner og menn.